11/22/2015 06:27:00 PM
yornsayanndara
23 Nov, 2015 07:08
Ronaldo មានទំនាក់ទំនងថានឹងអាចត្រលប់ទៅ Man Utd វិញតាំងពី២ឆ្នាំមុនម៉្លេះ ហើយពេលនេះវាអាចនឹងកាន់តែច្បាស់ទៀតថាកីឡាករសញ្ជាតិព័រទុយហ្គាល់រូបនេះនឹងចេញ Bernabeu នៅរដូវកាលក្រោយហើយ បន្ទាប់ពីលោក Rafa Benitez កំពុងតែស្វែងរកវិធីកសាងក្រុម Real Madrid ឡើងវិញជាមួយ Gareth Bale ។
បិសាចក្រហមកំពុងតែមានបញ្ហាតំបន់ប្រយុទ្ធបន្តិច ព្រោះលោក Van Gaal បានបញ្ជាក់ថាកូនក្រុមរបស់លោកខ្វះកីឡាករល្បឿនលឿនលេងនៅតំបន់ស្លាបប្រយុទ្ធ ហើយអតីតអ្នកចាត់ការក្រុម Barcelona និង Bayern Munich ជាដើមនេះអះអាងថា Ronaldo គឺនៅក្នុងគំនិតរបស់លោកជានិច្ច។
“គាត់ (Ronaldo) ជាកីឡាករលេងស្លាបល្អ មានល្បឿនលឿននិងអាចស៊ុតបញ្ចូលទីបានច្រើន។ ខ្ញុំមិនធ្លាប់គិតថាមានគ្រូបង្វឹកណាម្នាក់ មិនចង់បានគាត់ទេ។ ការពិត យើងកំពុងមើលមែន យើងមើលកីឡាករជាច្រើន មិនមែនតែ Ronaldo ម្នាក់ទេ ប៉ុន្តែកីឡាករទាំងអស់នោះ ភាគច្រើនមិនទាន់ល្អអាចយកបាននោះទេ សូមរង់ចាំមើលទាំងអស់គ្នាហើយសង្ឃឹមថា Ronaldo នឹងអាចមកវិញមែន”។ សម្ដី Van Gaal ។
Real Madrid ចាញ់ Barcelona ៤-០ កាលពីយប់ថ្ងៃសៅរ៍ឈានចូលថ្ងៃអាទិត្យ បានធ្វើឱ្យសម្ពាធរបស់ Ronaldo នៅអេស្ប៉ាញកាន់តែមានច្រើនឡើងៗ ព្រោះថាក្នុងការប្រកួត El Clasico នេះ ម្ចាស់ពានរង្វាន់ Ballon d’Or ៣សម័យមានឱកាសរកគ្រាប់បាល់បានច្រើនដែរ ប៉ុន្តែធ្វើមិនបានសម្រេច៕
0 comments:
Post a Comment