10/17/2016 06:28:00 PM
yornsayanndara
Ilkay Gundogan ជឿជាក់ថា ការដឹងយ៉ាងច្បាស់ពី Barcelona របស់លោក Pep Guardiola នឹងជួយក្រុមរកវិធីបិទ Messi ហើយយក៣ពិន្ទុពីទឹកដី Camp Nou។
Messi និង Pep កាលនៅ Barcelona
បុរសសញ្ជាតិអេស្ប៉ាញនឹងត្រឡប់ទៅកាន់ Barcelona ជាលើកទី២ក្នុងនាមជាអ្នកចាត់ការទូទៅដើម្បីដឹកនាំ Manchester City ប្រកួតវគ្គជម្រុះតាមពូលពានរង្វាន់ Champions League។
និយាយទាំងជំនឿចិត្តមុនការប្រកួត Gundogan ខ្សែបម្រើចំណូលថ្មីរបស់ Man City ឲ្យដឹងថាក្លឹបរបស់ខ្លួននឹងទទួលផលចំណេញជាច្រើនពីការប្រកួតនេះដោយសារ Pep។ “វាគឺជាឱកាសល្អសម្រាប់យើងដោយសារ Pep ស្គាល់ច្បាស់ពី Barca។ គាត់ស្គាល់ក្រុម ស្គាល់ក្លឹប, ស្គាល់កីឡដ្ឋាន និង Messi។ គាត់ផ្ដល់ព័ត៌មានជាច្រើនពីពួកគេដែលអ្នកដទៃមិនអាចធ្វើបាន”។ កីឡាករវ័យ២៥ឆ្នាំប្រាប់ដូច្នេះ។
Ilkay Gundogan
លោក Pep Guardiola ឈ្នះពាន១៤ក្នុងរយៈពេលត្រឹម៤ឆ្នាំនៅ Barca ពីចន្លោះឆ្នាំ ២០០៨ ដល់២០១២។ អ្នកចាត់ការវ័យ៤៥ឆ្នាំត្រូវជួបជាមួយក្លឹបចាស់សារជាថ្មីបន្ទាប់ពី ធ្លាប់ជួបម្ដងរួចមកហើយ កាលដឹកនាំ Bayern Munich ក្នុងពាន Champions League វគ្គពាក់កណ្ដាលផ្ដាច់ព្រ័ត្រឆ្នាំ ២០១៥៕
ប្រែសម្រួល៖ វីរ៉ុត
ប្រភព៖ Goal
0 comments:
Post a Comment